Дополнително, од Министерството апелираа граѓаните да избегнуваат патувања во Нигер поради влошената безбедносна ситуација во оваа земја и можноста за нејзина ескалација
Преку македонската амбасада во Каиро, Египет, Министерството за надворешни работи (МНР) работи на обезбедување евакуација на македонски државјанин кој се наоѓа во Нигер и кој побарал помош.
Министерството, како што соопштија оттаму, води интензивни преговори со сојузниците кои имаат свои претставништва во оваа африканска земја, со цел евакуација на македонскиот државјанин.
„Во оваа прилика, ги замолуваме нашите државјани кои се наоѓаат во Нигер, а кои сѐ уште не оставиле свои податоци, да ја контактираат нашата Амбасадата во Каиро, со цел доставување на своите податоци, на следниот телефонски број + 202 27 508 501; +201017810085; +201033615542 и е-мејл адреса [email protected]“,
стои во соопштението на МНР.
Дополнително, од Министерството апелираа граѓаните да избегнуваат патувања во Нигер поради влошената безбедносна ситуација во оваа земја и можноста за нејзина ескалација. За оние кои се на територија на Нигер и имаат можност да ја напуштат земјата, МНР апелира да го сторат тоа веднаш.
„Нашите државјани може да се обратат и до Министерството на дежурниот телефонски број +389 75 273 732 и следната е-меил адреса: [email protected]“,
додаваат од МНР.
ИЗВОР: 360stepeni.mk
