АНКАРА (АА) – Францускиот министер за финансии Бруно ле Мер изјави дека прекинот на сите економски врски со Кина е илузија, поттикнувајќи сомнение дека западните земји некогаш би можеле економски да се отцепат од Кина, пренесува Анадолу.
Ле Мер, кој учествуваше на Деветтиот економски и финансиски дијалог на високо ниво Кина-Франција во Пекинг во саботата, во соопштението за медиумите ги сподели своите ставови за билатералните односи меѓу Франција и Кина, според веста на „Глобал тајмс“.
Тој рече дека Франција сака подобар пристап до кинескиот пазар и дека неговата земја треба да извезува повеќе во Кина за балансирани економски односи, истакнувајќи дека Франција е на „вистинскиот пат“.
Според него, концептот „де-ризик“, кој во последно време често се користи, не значи дека Кина „претставува закана“.
Ле Мер нагласи дека вратите на Париз се отворени за кинеските инвеститори, особено во областа на електричните возила, батериите и енергетската трансформација.
По Кинеско-францускиот економски и финансиски дијалог што заврши во саботата, двете земји постигнаа консензус да соработуваат за многу прашања, како што се климатските промени, авијацијата, земјоделството и козметиката.
Извор: www.aa.com.tr
