Четириесет и петгодишната Сарадеви Џамани беше погубена денеска во Сингапур како осуденичка на смртна казна, пренесува „Гардијан“. Организациите за човекови права реагираат дека ова е прва егзекуција во државата по речиси 20 години, кога во 2004 Јен Меј Вон беше обесена поради продажба на дрога.
Џамани, како што соопшти Централното биро за наркотици, во 2018 година била осудена на смртна казна поради продажба на 30 грама хероин.
Глобалната комисија за наркотични политики, Интернационалната федерација за човекови права и Амнести интернешнл ги убедувале сингапурските власти да ја запрат егзекуцијата.
Џамани е втората личност која е егзекутирана оваа недела и петнаесетта откако властите ги продолжија егзекуциите во март 2022 година.
Извор: 360stepeni.mk
