МАЈАМИ (АА) – Американските метеоролози објавија дека на 24 јули во округот Манати, на југот од американската сојузна држава Флорида, температурата на водата во океанот изнесувала 38,38 Целзиусови степени, што би можело да биде светски рекорд, известува Анадолу.
„АБЦ њуз“ објави дека експерти на американската Национална управа за океани и атмосфера (НОАА) соопштиле дека зголемувањето на температурата на воздухот во светот влијаело и врз зголемувањето на температурата на океанските води.
Соопштувајќи дека се регистрирани „невидени“ температури со пораст на температурата над сезонските нормали на океаните на брегот на Флорида, експертите сметаат дека можеби е поставен нов глобален рекорд од 38,38 степени, измерен на 24 јули.
НОАА предвидува дека топлотниот бран во северноатлантските океански води ќе се зголемува во текот на цел септември, известувајќи дека зголемувањето на температурата на водата најверојатно ќе продолжи до крајот на годината.
Извор: www.aa.com.tr
