Од Крф, пак, во текот на ноќта евакуирани се 17 села и околу 2 500 лица се пренесени на безбедно
На грчкиот остров Родос утрово повторно се разгоре жариштето во близина на селото Асклипио во југоисточниот дел на островот, а неофицијално огнените јазици веќе се стигнати до првите домови додека до жителите на две села веќе се испратени пораки за евакуација, јави дописничката на МИА од Атина.
Портпаролот на Противпожарната служба на Грција Јанис Артопиос утрово соопшти дека на островот интервенираат силни копнени сили, а од воздух на поширокото подрачје на пожарот периодично ќе оперираат осум авиони, од кои два од Турција и еден од Хрватска, како и десет хеликоптери, од кои три од Египет.
Во однос на пожарот на островот Крф, објасни дека преку бројот 112 за итни случаи биле евакуирани 17 села и 2 466 граѓани биле пренесени на безбедна локација. Досега, нема информации дека таму огнот стигнал до домови.
Во евакуацијата од Крф во текот на ноќта помогнале силите на грчката полиција, на противпожарната служба, на периферијата, како и на крајбрежната служба.
Во продолжение погледнете го видеото од евакуацијата кое го објави крајбрежната стража.
Извор: 360stepeni.mk
