Детето напаѓач од „Рибникар“ сведочи во постапката за неговиот татко

Распитот се одвива на Клиниката за неврологија и психијатрија за деца и млади, каде што е сместен малолетникот по извршениот напад

Седмооделенецот, кој на 3 мај го изврши масакрот во основното училиште „Рибникар“ во Белград, сведочи во процесот што се води против неговиот татко В.К., јавуваат српските медиуми.

Таткото се товари за кривичното дело – тешко дело против општата безбедност. Распитот се одвива на Клиниката за неврологија и психијатрија за деца и млади, кадешто е сместен малолетникот по извршениот напад.

Таткото се осомничен дека непрописно го чувал оружјето со кое малолетникот уби 9 врсници, како и чуварот на училиштето. Истотака се сомничи дека го обучувал неговиот син да ракува со оружје, и дека го водел на стрелиште.

За потсетување, обвинетиот В. К. беше уапсен откако неговиот син, кој, според законот, не може да одговара кривично бидејќи е малолетник кој не наполнил 14 години, изврши масовно убиство во основното училиште „Владислав Рибникар“ во белградската населба Врачар.