„Заедно со премиерите на Албанија, Србија, Северна Македонија и Црна Гора разговаравме како да се забрза економската и социјална интеграција на Западен Балкан, како и за нова стратегија за раст за Западен Балкан“, напиша еврокомесарот за прошрување на Твитер по неформалната средба во Тирана
Европската Унија (ЕУ) е посветена на брзото спроведување на новата стратегија за раст на Западен Балкан, порача еврокомесарот за проширување Оливер Вархеји од денешната неформална средба во Тирана на која присуствуваа премиерите на четири земји од регионот – С Македонија, Србија, Албанија и Црна Гора.
„Заедно со премиерите на Албанија, Србија, Северна Македонија и Црна Гора разговаравме како да се забрза економската и социјална интеграција на Западен Балкан, како и за нова стратегија за раст за Западен Балкан. Посветени сме на брза имплементација на овој план за конвергенција“,
напиша Вархеји на Твитер.
Invited by PM @ediramaal to Tirana to discuss how to accelerate the economic & social integration of the WB6.
Together with 🇦🇱🇷🇸🇲🇰🇲🇪Prime Ministers talked through the New Growth Strategy for the #WesternBalkans.
We are committed to carry out this convergence plan fast. pic.twitter.com/2Id5hyDFNZ
— Oliver Varhelyi (@OliverVarhelyi) July 17, 2023
Денешната неформална средба на премиерите од земјите од Западен Балкан, на која присуствуваше и Вархеји, ја организира албанскиот премиер Еди Рама како дел од подготовките за самитот на Берлинскиот процес што ќе се одржи во Тирана на 16 октомври, со оглед на тоа што оваа година Албанија претседава со Берлинскиот процес.
Рама неодамна ги посети земјите од Западен Балкан со цел да се координира со лидерите за развој на заеднички барања, кои би биле претставени на октомврискиот самит на Берлинскиот процес.
Берлинскиот процес е иницијатива на поранешната германска канцеларка Ангела Меркел, започната во 2014 година со цел да се поддржи мирна, стабилна и демократска иднина на Западен Балкан, за подобрување на регионалната соработка и европската интеграција на регионот.
Извор: 360stepeni.mk
