(ВИДЕО) По тепачката во косовското собрание, пратеничка парадираше како во боксерски ринг

На вчерашната седница на косовското собрание дојде до физичка пресметка меѓу пратениците на опозициската партија ДПК и владиниот кабинет

Додека пратениците на опозицијата во Косово вчера ја блокираа говорницата на собранието, пратеничката на Самоопределување, Адријана Матоши, која по професија е актерка, се исмејуваше со насилството. Таа на лист хартија напиша „Втора рунда“ и направи „театар“ во собранието, по што доби аплауз од колегите од партијата.

На вчерашната седница на косовското собрание дојде до физичка пресметка меѓу пратениците на опозициската партија ДПК и членовите на владиниот кабинет. За вчерашните случувања во собранието на Косово, Основното обвинителство ги повика на разговор вицепремиерот Бесник Бислими и министерот за финансии, труд и транспорт, Хекуран Мурати, а според медиумите во Косово на разговор бил повикан и пратеникот на ДПК, Мергим Луштаку, кој беше дел од тепачката, но тој не одговорил на поканата на Основното обвинителство.

(ВИДЕО) Тепачка во Собранието на Косово, нападнат Албин Курти

(ВИДЕО) Како дојде до ескалација на ситуацијата во Собранието на Косово