Втор ден од Самитот на НАТО во Вилнус

ВИЛНУС (АА) – Лидерите на земјите членки на НАТО се состанаа на вториот ден од Самитот што се одржува во Вилнус, главниот град на Литванија, јавува Анадолу.

Лидерите на земјите се собраа на состанокот на Северноатлантскиот совет на ниво на шефови на држави и влади.

Покрај 31 лидер на земјите членки, на состанокот присуствуваше и Шведска како земја повикана во членството на НАТО. На состанокот учествуваа и партнерите на НАТО, Јапонија, Јужна Кореја, Австралија, Нов Зеланд и Европската Унија (ЕУ).

Зборувајќи на отворањето на собирот, генералниот секретар на НАТО, Јенс Столтенберг, рече дека НАТО е регионален сојуз во Европа и Антлантикот, но дека предизвиците со кои се соочува се глобални.

Столтенберг наведе дека настаните во евроатлантскиот и индопацифичкиот регион се важни едни за други, дека војната во Украина има глобални реперкусии, дека тероризмот и киберзаканите не познаваат граници, а авторитарните режими се сѐ поблиски.

„Мора заедно да се залагаме за глобален напредок што се темели врз правила. Затоа е важно партнерите на НАТО да учествуваат на денешниот Самит“, рече Столтенберг.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..