Шест лица се убиени, а едно повредено по напад со нож во градинка во југоисточната кинеска провинција Гуангдонг, јавува Би-би-си.
Полицијата соопштила дека уапсила 25-годишен маж со презиме Ву во Лианџијанг.
Жртвите се три деца, наставник и двајца родители, пренесе АФП.
Нападот се случил во понеделникот во 07:40 часот по локално време.
Сопственик на продавница кој работи во близина на градинката, за Би-би-си изјавил дека околината е запечатена.
Насилниот криминал е релативно редок во Кина, но земјата забележа серија напади со нож во последниве години, вклучително и неколку во училиштата.
Во август минатата година, напаѓач со нож упадна во градинка во југоисточната провинција Џиангкси, убивајќи три лица и рани шест други.
Во април 2021 година, две деца загинаа, додека 16 други беа повредени за време на масовно прободување со нож во градот Беилиу.
Во октомври 2018 година, 14 деца беа повредени во напад со нож во градинка во Чонгкинг, југозападна Кина.
Кинеските власти ја зајакнаа безбедноста околу училиштата од 2010 година.
Таа година, Министерството за јавна безбедност ги повика локалните власти „одлучно да ги спречат“ криминалните активности, за да се осигура безбедноста на наставниците и учениците.
По нападот во април 2021 година, Министерството за образование наложи и вежби за итна евакуација во училиштата.
Извор: 360stepeni.mk
