Шефот на ОН го осуди израелското насилство во Џенин и повика на почитување на меѓународното право

July 7, 2023
1 min read

ЊУЈОРК (АА) – Генералниот секретар на Обединетите нации (ОН), Антонио Гутереш, синоќа најостро го осуди израелското насилство и користењето прекумерна сила во градот Џенин, на окупираниот Западен Брег, известува Анадолу.

„Израелските воздушни и копнени операции врз бегалскиот камп беа најголемо насилство на Западниот Брег во последните години, со значително влијание врз цивилите, при што се повредени повеќе од 100 лица, а илјадници биле принудени да избегаат“, изјави Гутереш за новинарите во седиштето на ОН во Њујорк.

Гутереш рече дека остро го осудува секој акт на насилство врз цивилите, вклучително и актите на терор.

„Тоа се однесува на секоја употреба на прекумерна сила. Очигледно е дека во оваа ситуација дошло до прекумерна сила што ја користеле израелските сили“, рече Гутереш, одговарајќи на прашањето на новинарот на Анадолу дали тоа конкретно се однесува на Израел.

Гутереш го прозва Израел да се придржува до своите обврски кон меѓународното право, вклучително и должноста на воздржаност и употреба на сразмерна сила, како и обврска да се минимизираат штетите и повредите и да се почитува и зачува животот.

„Употребата на воздушни напади не е во согласност со организирањето на операцијата за спроведување на законот“, рече генералниот секретар на ОН.

Гутереш изјави дека Израел, како окупаторска сила, има одговорност да го заштити цивилното население.

Тој истакна дека ја сфаќа загриженоста на Израел за безбедноста, но порача дека ескалацијата не е решение.

„Тоа едноставно поттикнува радикализација и доведува до продлабочување на кругот на насилство и крвопролевање“, посочи Гутереш.

Тој изјави дека не е „реално“ воени сили да се пратат во Израел.

„Не верувам дека израелската Влада би се согласила со таква можност, но мислам дека мора да пронајдеме механизми што ќе овозможат заштита на цивилите во овие драматични околности“, додаде Гутереш.

Израелската војска се повлече од Џенин во средата наутро, завршувајќи ја својата најголема воена операција во тој град по повеќе од 20 години.

Најмалку 12 Палестинци се убиени, меѓу кои пет деца, а повеќе од 140 се ранети во дводневните израелски напади, при што е направена и голема материјална штета во градот.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

(ВИДЕО) Зеленски до Радев: Да бевте на мое место, зарем ќе речевте – Путин, земи си ја Бугарија?

Следно

Полска, Литванија и Летонија го предупредија НАТО за заканата од Белорусија

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop