Во последно време се зголемува притисокот за снабдување со западни тенкови за Украина. Велика Британија најави дека ќе ги испрати своите тенкови „челинџер 2“, што ѝ го отвора патот на Германија да ги испрати и своите „леопарди“
Претседателот на Европскиот совет, Шарл Мишел, се заложи за испорака на тенкови и повеќе опрема во Украина за да се обезбеди уште посилен отпор на рускиот агресор.
„Ние во Европската Унија продолжуваме да ја поддржуваме Украина онолку долго колку што е потребно. Сега е време за повеќе опрема и јас лично сум за испорака на тенкови до неа“,
рече Мишел во говорот на пленарната седница на Европскиот парламент.
Во последно време се зголемува притисокот за снабдување со западни тенкови за Украина. Велика Британија најави дека ќе ги испрати своите тенкови „челинџер 2“, што ѝ го отвора патот на Германија да ги испрати и своите „леопарди“.
Германскиот канцелар Олаф Шолц се спротивстави само Германија да испраќа тенкови и сега, по британската одлука, таа пречка е отстранета.
Либералниот претставник од Белгија, Ги Верхофштад, објави дека 112 претставници на Европскиот парламент побарале промена на стратегијата и испраќање тенкови и ракети со долг дострел во Украина.
Извор: 360stepeni.mk
