На првите избори во мај, Сириза доби 20 отсто од гласовите, двојно помалку од Нова демократија, а на вторите избори во неделата, дополнително се зголеми разликата меѓу двете партии (на 22,73 проценти). Левичарската партија загуби гласови освојувајќи 17,83 отсто од гласовите
Одлучив да предложам избор на ново раководство на партијата, на кое нема да бидам кандидат, порача лидерот на Сириза, Алексис Ципрас, во денешната вонредна изјава по состанокот на извршната канцеларија на партијата по поразот на изборите, јавува МИА.
Според Ципрас, дојдено е време да се отвори нов циклус во Сириза.
Грчката опозициска партија претрпи голем пораз на двојните парламентарни избори во Грција.
На првите избори во мај, Сириза доби 20 отсто од гласовите, двојно помалку од Нова демократија, а на вторите избори во неделата, дополнително се зголеми разликата меѓу двете партии (на 22,73 проценти). Левичарската партија загуби гласови, освојувајќи 17,83 отсто од гласовите.
По поразот, Ципрас истакна дека партијата ја презема одговорноста за резултатите, а членовите ќе ги донесат потребните одлуки. Во целиот тој колективен процес на реконструкција на партијата, како што рече, тој ќе биде првиот што ќе се стави на располагање на партиските органи за да ја оценат неговата работа.
„Времето, за методично да работиме со цел реконструкција на партијата, не е неограничено. Временскиот период за нашето враќање се европските избори за околу една година од сега. И тоа мора успешно да се направи бидејќи тоа го бараат потребите на граѓаните“,
истакна Ципрас.
Алексис Ципрас 15 години ја водеше партијата, а во периодот од јануари 2015 година до јули 2019 година, додека Сириза беше на власт, беше премиер на Грција.
Извор: 360stepeni.mk
