Во поголемиот дел од САД загаден воздух поради пожарите во Канада

Жителите на американскиот Среден Запад денеска повторно се разбудија од силно загадениот воздух и чадот од шумските пожари во Канада. Во Чикаго, третиот најнаселен град во САД, небото втор ден по ред е сиво, а голем број од жителите носат маски

Преку 500-те активни пожари во Канада, од кои половината се надвор од контрола, предизвикаа загадување на воздухот и во САД, но и во Европа.

Провинцијата Квебек се соочува со историска и особено рана сезона на пожари. Според проценките, оваа криза најверојатно ќе продолжи бидејќи се уште не е достигнат врвот на летото.

Квалитетот на воздухот денеска е лош и во Торонто, а се очекува нагло да се влоши во Отава, објавија канадските власти.

Жителите на американскиот Среден Запад денеска повторно се разбудија од силно загадениот воздух и чадот од шумските пожари во Канада. Во Чикаго, третиот најнаселен град во САД, небото втор ден по ред е сиво, а голем број од жителите носат маски. Надлежните советуваа да се ограничи престојот на отворено, особено за децата и бремените жени.

What a difference a day makes! Here’s a view of downtown Pittsburgh from this time yesterday vs. this morning.
🚨 An Air Quality Alert remains in effect for western PA through midnight tonight. #pawx
📷Webcam: https://t.co/GcRoLWXREe pic.twitter.com/nPFLNfv9gM
— NWS Pittsburgh (@NWSPittsburgh) June 28, 2023

Во Детроит, пак, индексот на загаденост на воздухот на американската Агенција за заштита на животната средина (ЕПА) покажува ниво кое е многу штетно за здравјето. Се очекува чадот да се движи кон исток и да стигне до областа Вашингтон во текот на денот или ноќта, изјави научникот за загадување на воздухот на НАСА, Рајан Стауфер.

Властите во Њујорк ги предупредија жителите дека квалитетот на воздухот ќе се влоши денеска и утре и организираа дистрибуција на маски.

Рекордно високи температури и пожари во Канада, има стотици починати

НАСА на 26 јуни објави дека чадот од канадските пожари стигнал до југозападна Европа и објави сателитска снимка на која се гледа сив облак над северна Шпанија и Португалија.

Квалитетот на воздухот таму сепак треба да остане прифатлив бидејќи, кога чадот ќе стигне до Европа, се наоѓа во горните слоеви на атмосферата, прецизира НАСА.

Иако сè уште не е спроведена студија за проценка на директната врска помеѓу климатските промени и сегашните шумски пожари, научниците инсистираат дека глобалното затоплување, предизвикано од човековата активност, генерално го зголемува ризикот и интензитетот на шумските пожари.

Чадот од Канада стигна до Европа, се чувствува во Норвешка

За време на првиот поголем инцидент со загадувањето на воздухот на почетокот на јуни, кој го зафати целиот североисток на САД, американскиот претседател Џо Бајден оцени дека тоа е „брутален потсетник за последиците од климатските промени“.