Со музика, храна и пијалоци до доцна вечерва во Градскиот парк во Скопје продолжува Парадата на гордоста. Во паркот има штандови со храна и пијалоци, а поставена е и сцена за настап на музичките ѕвезди.
Меѓу пејач(к)ите – гости на Парадата е и македонската музичка ѕвезда, Тамара Тодевска, која настапи со евровизиската нумера „Proud“.
Стотици граѓани денеска учествуваат на четвртата Парада на гордоста во Скопје, која започна во 19 часот во паркот „Жена борец“ спроти зградата на парламентот. Учесниците со музика, но и под силно полициско обезбедување продолжија со протестен марш низ центарот на главниот град, пред да завршат на забава во Градскиот парк, која ќе трае до 1 часот по полноќ.
Покрај граѓани и активисти за човекови права, на Парадата присуствуваат и голем број на гости од странство, а настанот го поддржаа и дел од политичар(к)ите од власта.
ИЗВОР: 360stepeni.mk
