Експлозијата се случила во зграда во Париз, притоа предизвикувајќи огромен пожар. Огнот зафатил неколку згради, уривајќи дел од една од нив. Според очевидци, пред експлозијата имало силен мирис на гас
Најмалку 16 лица се повредени, од кои седум потешко, по голема експлозија во центарот на Париз.
Експлозијата, како што јавува Би-би-си, се случила нешто пред 17 часот по локално време во зграда во петтиот арондисман на француската престолнина, предизвикувајќи оргомен пожар.
BREAKING: Gas explosion at the Paris American Academy, injuring at least 6 people pic.twitter.com/Yy6DPqpjVh
— BNO News (@BNONews) June 21, 2023
Огнот зафатил неколку згради, притоа уривајќи дел од една од нив.
Според очевидци, пред експлозијата имало силен мирис на гас.
На местото на настанот се излезени над 200 пожарникари, како и бројни полициски и медицински екипи.
Францускиот министер за внатрешни работи Жералд Дарманин ги повика граѓаните на Париз да ја избегнуваат областа околу улицата каде што се случи експлозијата.
Областа каде што се случи експлозијата се протега јужно од Латинскиот кварт на левиот брег на Париз и обично е преполна со туристи и странски студенти на почетокот на летото.
Извор: 360stepeni.mk
