Украина: Русија изврши нов масовен напад со дронови

Според тврдењата на Герашченко, биле лансирани 35 дронови од страна на Русија

Повеќе градови во Украина биле мета на нов масовен напад со дронови од страна на Русија во текот на изминатата ноќ, објавија украинските власти.

Гаѓани биле Лавов и Запорожје, како и главниот град Киев.

Поранешен министер и актуелен советник во украинското Министерство за внатрешни работи, Антон Герашченко објави дека украинските сили успеале да соборат 32 од 35 лансирани дронови, а повеќе од 20 биле во Киев.

Another massive drone attack on Ukraine last night.

Air defense shot down 32 out of the 35 launched drones. Over twenty of them – over Kyiv region.

Russia also attacked Zaporizhzhia with ballistic Iskander-M and S-300 missiles.

Another sleepless night for many Ukrainians. pic.twitter.com/uuKeV7al9d

— Anton Gerashchenko (@Gerashchenko_en) June 20, 2023

Киевската воена управа исто така објави дека Москва извршила напад со дронови во раните утрински часови, предупредувајќи ги жителите да се засолнат во скривниците.

Во Лавов, пак, според тамошната воена управа, запален бил дел од критичната инфраструктура, а претходно градоначалникот Андриј Садовиј извести дека има експлозии во градот и околината.

Во Запорожје, пак, беше објавена тревога од воздушен напад, а властите рекоа дека градот е мета на жесток напад во изминатите неколку дена.