(ВИДЕО) Напад врз новинарска екипа на РТК во Лепосавиќ, снимателот удиран со клоци по телото

На видео што се шири на социјалните мрежи се гледа како група маскирани лица ги бркаат камерманот и новинарот на РТК. Еден од напаѓачите во еден момент успева да ги стигне и да го турне на земја снимателот по што го удира со нозе по телото

Снимателот на Радио-телевизија Косово, Бард Бектеши бил физички нападнат во Лепосавиќ. Во нападот од маскирани лица му била скршена и камерата, пренесува телевизијата.

На видео што се шири на социјалните мрежи се гледа како група маскирани лица ги бркаат камерманот и новинарот на РТК. Еден од напаѓачите во еден момент успева да ги стигне и да го турне на земја снимателот по што го удира со нозе по телото.

По нападот, од Управниот одбор и раководството на РТК рекоа дека снимките од нападот сведочат за невидено насилство врз новинарите.

„Ваквите постапки освен што се неприфатливи, претставуваат и аларм за органите на прогонот да обезбедат поголемо обезбедување на медиумските екипи и воедно да ги изведе пред лицето на правдата сторителите на ваквите кривични дела“,

се наведува во заедничкото соопштение на УО и раководството на РТК.

Реакција има и од Здружението на новинари на Косово од каде ги повикуваат сите, почнувајќи од косовскиот премиер Курти и другите релевантни фактори, да дадат се од себе за да овозможат безбедна средина за новинарите да ја вршат својата работа.

🇽🇰 Public broadcaster team brutally attacked in #Kosovo. We reiterate our call to Prime Minister @albinkurti to lease with the media organisation and put in place safety measures for journalists. ECPMF wishes the speedy recover to the @rtklivecom team. https://t.co/mMppX3cwnT

— European Centre for Press & Media Freedom (@ECPMF) June 16, 2023

Мрежата „Безбедни новинари“ (Safe Journalists), која претставува повеќе од 8 200 медиумски професионалци во Западен Балкан, денеска објави дека се придружува кон барањето на нејзината членка, Здружението на новинари на Косово (АЈК) и го повика КФОР да ја гарантира безбедноста на новинарите.

‼️📢The cameraman of Radio Television of Kosovo, Bardh Bekteshi, today was physically assaulted while reporting from Leposavichttps://t.co/dzwJYkL9Zk

— Safe Journalists (@WBjournalists) June 16, 2023

Мрежата смета дека е многу вознемирувачко што КФОР е присутен и не реагира во момент кога животот на неколку медиумски работници е во опасност, се вели во соопштението поврзано со физичкиот напад на снимателот на Радио-телевизија Косово, Бард Бектеши, додека денеска известувал од Лепосавиќ.

„Безбедни новинари“ наведува дека ќе ги информира релевантните национални и меѓународни засегнати страни за овој случај.