Туркије неутрализираше 5 терористи на ПКК/ЈПГ по граничниот напад од северна Сирија

АНКАРА (АА) – Турските безбедносни сили неутрализираа петмина терористи на терористичката организација ПКК/ЈПГ по нападот на границата на земјата од северна Сирија, соопшти Министерството за национална одбрана на Туркије, пренесува Анадолу.

„Откако терористичката организација ПКК/ЈПГ вчера го нападна подрачјето на базата „Џибрин“ и полицискиот кампус ‘Онџупинар’ во зоната каде беше реализирана операцијата „Штитот на Еуфрат“, седум терористи, меѓу кои и двајца таканаречени водачи на терористичката организација, се неутрализирани“, соопшти Министерството на Твитер.

Бројот на терористи неутрализирани „како резултат на тековните операции за самоодбрана“ се искачи на 12, се додава во соопштението.

Терористичката организација ПКК/ЈПГ во северна Сирија истрела пет ракети кои паднаа во близина на границата во јужна Туркије, соопштија во неделата безбедносни извори.

Ракетите паднале во областа на границата Онџупинар во областа Килис, изјавија извори кои сакаа да останат анонимни поради ограничувањата за разговор со медиумите.

Нема информации за жртви, а мерките за безбедност се зголемени во регионот.

Турското Министерство за национална одбрана во меѓувреме соопшти дека Вооружените сили веднаш почнале да го погодуваат местото од каде што бил извршен нападот.

Во својата повеќе од 35-годишна терористичка кампања против Туркије, ПКК – на листата на терористички организации од Туркије, САД и ЕУ – е одговорна за смртта на повеќе од 40.000 луѓе, вклучувајќи жени, деца и доенчиња.

Терористите на ПКК/ЈПГ се кријат во северна Сирија, во близина на турската граница, каде што планираат и вршат напади и врз локалното население и врз околните населби во Туркије.

Анкара во 2016 година спроведе три успешни големи антитерористички операции преку границите, на територијата на Сирија, со цел да се спречи формирање терористички коридор, и на раселените да им се овозможи мирно да се вратат во своите домови.

„Штитот на Еуфрат“ (2016), „Маслинова гранка“ (2018) и „Извор на мирот“ (2019) се имињата на операциите во кои од терористичка окупација во северните делови на Сирија е ослободено пошироко подрачје покрај пограничниот појас со Туркије.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).