БИШКЕК (АА) – Претседателот на Киргистан, Садир Џапаров, изјави дека лицето што е осудено за корупција ќе мора да врати од пет до 10 пати повеќе од украдената сума, а некои дури никогаш нема ни да можат да излезат од затвор, пренесува Анадолу.
Џапаров на својот профил на социјалните мрежи истакна дека е заострена казната за корупциски кривични дела и додаде дека сака последен пат да ги предупреди државните службеници за корупција.
Тој истакна дека Киргистан во минатото не можел да се развива поради големата корупција.
„Нема да можете повеќе да се занимавате со корупција. Ве предупредив сите претходно и повторно ќе ве предупредам. Отсега луѓето ќе мора да враќаат од пет до 10 пати повеќе од украдената сума, а не двојно повеќе. Никогаш нема да можете да излезете од затвор. Немојте да кажете дека не ве имам предупредено.“
Претседателот Џапаров посебно ги предупреди за корупција државните службеници.
Извор: www.aa.com.tr
