Падот го преживеале четири деца на возраст од 13, 9 и 4 години, како и едно 11 месечно бебе. Првичните информации од Управата за цивилно воздухопловство, која ги координирала напорите за спасување, сугерираат дека децата избегале од авионот и се упатиле во прашумата за да побараат помош
Четири деца од домородна заедница во Колумбија се пронајдени живи на југот на земјата повеќе од пет недели откако авионот со кој патуваа се урна во густа џунгла, објави колумбискиот претседател Густаво Петро.
Како што објави дневник.хр, децата биле спасени од војската во близина на границата меѓу колумбиските провинции Какета и Гуавијаре, во близина на местото каде што се урнал малиот авион. Кога ги пронашле имале многу убоди од инсекти и биле неухранети.
„Радост за целата земја! Четири деца кои исчезнаа… изгубени… во колумбиската џунгла се појавија живи“,
објави Петро преку Твитер.
Малиот авион „Цесна 206“ превезувал седум лица на пат меѓу Аракуара, државата Амазонас и Сан Хозе дел Гуавијаре, град во државата Гуавијаре, но пријавил аларм за дефект на моторот во раните утрински часови на 1 мај.
Во несреќата загинале тројца возрасни, меѓу кои и пилотот, а нивните тела биле пронајдени во авионот. Падот го преживеале четири деца на возраст од 13, 9 и 4 години, како и едно 11 месечно бебе. Првичните информации од Управата за цивилно воздухопловство, која ги координирала напорите за спасување, сугерираат дека децата избегале од авионот и се упатиле во прашумата за да побараат помош.
Иако неухранети, ниту едно од децата не е во тешка состојба, па дури ни најмладото што го помина првиот роденден во џунгла.
Спасувачките тимови, со поддршка на кучиња трагачи, претходно пронашле фрлено овошје, кое наводно децата го јаделе и импровизирани засолништа направени од рестенија од џунглата.
Во спасувачките операции учествуваа авиони и хеликоптери на колумбиската армија и воздухопловни сили.
Извор: 360stepeni.mk
