Ердоган: Зајакнувањето на контактите неопходно за членството на Туркије во ЕУ

June 8, 2023
1 min read

АНКАРА/АТИНА (АА) – Европската Унија (ЕУ) и Туркије мора да ги зајакнат контактите на сите нивоа со конкретна и позитивна агенда за полноправно членство на Туркије во ЕУ, рече претседателот Реџеп Таип Ердоган во разговорот со претседателот на Европскиот совет, Шарлс Мишел, јавува Анадолу.

Во телефонскиот разговор со Мишел, Ердоган ја нагласи големата стратегиска вредност на Анкара за Европа, се вели во соопштението објавено од Дирекцијата за комуникации при турското Претседателство.

Ердоган ја истакна важноста на соработката во обновувањето на Царинската унија меѓу двете страни, како и за визната либерализација, справувањето со миграцијата и борбата против тероризмот.

Тој, исто така, рече дека праведниот третман на Туркије и поддршката за нејзино полноправно членство во ЕУ ќе отворат нови хоризонти во односите.

Од своја страна, Мишел му честита на Ердоган за неговиот реизбор за претседател.

Во објавата на Твитер тој го потврди интересот на ЕУ за стратегиските и односите од заемна корист со Туркије.

Мишел, исто така, ја нагласи важноста од искрен и отворен дијалог за перспективите на економските врски, како и мобилноста и безбедносната соработка.

Тој повтори дека високо се цени улогата на Туркије во иницијативата за транспорт на жито преку Црно Море.

Туркије аплицираше за членство во ЕУ во 1987 година, а од 1999 година е земја кандидат.

Преговорите за полноправно членство започнаа во октомври 2005 година, но беа во застој во последните години поради политичките пречки од одредени земји.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

MARKETING

MARKETING

Претходно

Катица Ќулавкова: Стихозбирката „На врв на јазикот“ е рефлексија на личните и општествените емоции за домот и јазикот

Следно

Русија предупреди дека испорачувањето нуклеарно оружје на Украина ќе доведе до глобален колапс

Latest from Blog

Со мопед удри осумгодишно дете во Бутел: Пронајден возачот и ќе биде кривично гонет!

Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата

Паметник на Пониква и Спомен-парк во Кочани за жртвите во пожарот во дискотеката „Пулс“

Кочанските планинари и активни доброволци-пожарникари Тошо и Стојка Антови, чија ќерка Ивона загина во пожарот со 59 жртви во дискотеката „Пулс“ во Кочани на 16 март, покренаа иницијатива за изградба на меморијален
Go toTop