Шефот на МИ6 му честита на Калин за назначувањето на позицијата шеф на разузнавачката служба на Туркије

ЛОНДОН (АА) – Ричард Мур, шефот на британската агенција за надворешно разузнавање МИ6, му честита на Ибрахим Калин за неговото назначување за нов шеф на турската национална разузнавачка служба МИТ, пренесува Анадолу.

„Честитки до мојот стар пријател Ибрахим Калин за неговото назначување за шеф на МИТ. Со нетрпение очекувам да работиме заедно. Најдобри желби“, напиша Мур на турски во објава на Твитер.

Осврнувајќи се на претходен инцидент каде што по грешка означи лажен профил на Твитер додека му честиташе на Хакан Фидан што стана турски министер за надворешни работи, Мур нагласи: „Верувам дека овој твитер-профил не е пародија.“

Претходно Ричард Мур му честита на Фидан во објава на Твитер, велејќи: „Посакувам успех на мојот пријател и поранешен колега на новата функција. Честитки, министре!“

Во својата порака Мур ненамерно означи профил за пародија отворен под името Фидан.

Откако доби голем број одговори од корисниците на Твитер што го предупредуваа, Мур сподели уште една порака со насмеано емоџи: „Ох, колку е срамно! Но дури и ако профилот е пародија, моите добри желби се реални!“

Мур беше британски амбасадор во Туркије од 2014 до 2017 година и течно зборува турски.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..