Керол го тужеше Трамп минатата година, откако новиот закон во Њујорк дозволи тужби за наводни сексуални злосторства дури и по истекот на статутот на застареност
Доналд Трамп сексуално ја нападнал колумнистката Елизабет Џин Керол во 1990-тите, а подоцна ја наклеветил нарекувајќи ја лажга, одлучи денеска поротата, задавајќи му на поранешниот претседател судски удар додека тој се бори за повторно влегување во Белата куќа.
Поротата од девет судии во федералниот суд на Менхетен му наложи на Трамп да плати отштета од пет милиони долари и казнена отштета.
Керол го тужеше Трамп минатата година, откако новиот закон во Њујорк дозволи тужби за наводни сексуални злосторства дури и по истекот на статутот на застареност. Таа тврдеше дека Трамп ја турнал до ѕид во соблекувалната, насилно и ја соблекол облеката и ја нападнал, пред таа да побегне на Петтата авенија и да повика пријател.
Поранешниот претседател негираше дека ја познава Керол и постојано тврдеше дека наводите не се веродостојни, тврдејќи дека новинарката воопшто не е негов тип.
„Тука сум затоа што ме силувал Доналд Трамп, а кога напишав за тоа, тој рече дека тоа не се случило. Лажеше и ми го уништи угледот, а јас сум тука да се обидам да си го вратам животот“,
сведочеше Керол во судот.
Трамп се бранеше:
„Лажно ме обвини оваа жена, немам поим која е таа, тоа е смешно. Таа даде тврдење што е целосно лажно. Таа е лажна, таа е демократ“.
Извор: 360stepeni.mk
