Министерката за енергетика Сања Божиновска соопшти дека домашните акумулации во моментов се исполнети околу 70 проценти, што, како што истакна, овозможува сигурно управување со расположливиот хидропотенцијал и стабилно функционирање на електроенергетскиот систем.
Според Божиновска, актуелната состојба обезбедува добра основа за стабилно производство на електрична енергија, а надлежните институции внимателно ја следат состојбата со акумулациите и енергетскиот систем.
Таа нагласи дека Министерството и надлежните енергетски компании и во наредниот период ќе продолжат континуирано да ја следат состојбата и навремено да ја информираат јавноста за сите релевантни информации.
„Домашните акумулации се исполнети околу 70%, што овозможува сигурно управување со хидропотенцијалот и стабилно функционирање на електроенергетскиот систем. Ќе продолжиме внимателно да ја следиме состојбата и навремено да ја информираме јавноста, со цел стабилно, сигурно и одржливо снабдување со електрична енергија за граѓаните и стопанството“, порача Божиновска.
Таа истакна дека приоритет останува обезбедувањето стабилно, сигурно и одржливо снабдување со електрична енергија за граѓаните и стопанството, преку внимателно управување со домашните енергетски ресурси и навремено следење на состојбите во енергетскиот сектор.
