КЕЈПТАУН (АА) – МУРАТ ОЗГУР ЃУВЕНДИК –
’Ртот Агулхас е најјужната точка на африканскиот континент, а не, како што често се мисли, ’Ртот на Добрата Надеж. Меридијанот, кој поминува низ ’Ртот Агулхас, се смета за граница меѓу Атлантикот и Индискиот Океан, јавува Анадолу.
’Ртот Агулхас од Кејптаун е оддалечен 2,5 часа пат по копно.
Бартоломеу Дијаз беше првиот Европеец кој стигнал до ’ртот во 1488 година. Кабо дас Агулхас на португалски значи „’рт од игли“.
Морнарите веројатно му го дале тоа име поради големиот број карпи и гребени во водите околу него. Според друга теорија, името го добил по иглата на компасот. Бидејќи во 15 век магнетната деклинација на тоа место била 0°, иглата на магнетот била насочена точно кон географскиот Северен Пол.
Кај ’Ртот Агулхас се среќаваат две струи, студената струја Бенгуела, што доаѓа од Антарктикот и продолжува кон север по должината на брегот на Африка, и топлата струја Агулхас, што доаѓа од север од тропските предели.
Средбата на овие струи често предизвикува многу големи бранови.
По името на овој ’рт и топлата морска струја, која првпат ја опиша Васко де Гама на неговото прво патување во Индија во 1497/1498 година, таа беше именувана како струја Агулхас.
Сместен на крајниот дел на Националниот парк „Кејп Агулхас“, со кој управуваат Јужноафриканските национални паркови (САНПАРК), патувањето до ’ртот е пријатно возење кое вклучува села и градови со нивната јужноафриканска архитектура.
Историскиот светилник, кој ги пречекува посетителите на излезот на градот Л’Агулхас, е изграден во 1848 година и е вториот најстар светилник што сè уште е во функција во земјата. Првото место му припаѓа на светилникот Грин Поинт, кој е изграден во Кејптаун во 1824 година.
Пред светилникот се протега долг пат до брегот.
Едно од најфотографираните места на ’Ртот Агулхас е камениот споменик покрај морето. Имагинарната линија што ги дели Индискиот и Атлантскиот Океан се протега точно низ средината на овој камен, на кој се изгравирани зборовите: „Сега сте на најјужната точка на Африка“ на јужноафрикански и англиски јазик.
Ова место им нуди на своите посетители и можност да се нурнат во водите на два различни океани, оддалечени неколку метри.
Можно е да се сретнат и остатоци од потонати бродови на ’Ртот Агулхас, кој поради плитките води, острите карпи, бесните бранови и силните ветрови, историски бил гробница на многу морнари.
Најблиску до ’Ртот Агулхас е потонатиот брод на јапонскиот рибарски брод „Меишо Мару бр. 38“. Бродот, кој се наоѓа на карпите на брегот од Агулхас, каде што плутал како последица на бура во 1982 година, сè уште им се спротивставува на брановите на океанот со своето ‘рѓосано, уморно тело.
’Ртот Агулхас се наведува и како еден од најпродуктивните риболовни центри на јужната хемисфера.
Според информациите од претставниците на САНПАРК, ’Ртот Агулхас е меѓу најпосакуваните места за набљудување на китовите кои мигрираат во периодот јуни – септември.
Извор: www.aa.com.tr
