Злато и бронза во ритмичка гимнастика за Ева и Илина во Германија

Македонките Ева и Илина освоија златен и бронзен медал во Германија на турнирот по ритмичка гимнастика.

13-годишната Ева се натпреварува во класа на девојчиња до 15 години, а на турнирот во Падерборн по четврти пат го освои златниот медал.

Голем успех оствари и 16-годишната Илина, која на турнирот во Бохум го освои бронзениот медал.

Двете девојчиња со овие успеси обезбедија место во полуфиналето на турнирот кој ќе се одржи на 29 и 30 април во Хофенхајм.