Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

November 16, 2026
1 min read

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и реализацијата на крупните инфраструктурни проекти во Македонија.

Николоски нагласи дека економската соработка меѓу земјите од регионот е повеќе од потребна заради зголемување на конкурентноста и постигнување повисок степен на економски развој.

„Предизвикот за земјите од нашиот регион е како заеднички да настапуваме на европскиот пазар, како да се натпреваруваме со конкуренцијата и како да постигнеме повисоко ниво на развој“, истакна Николоски.

 

Во своето обраќање тој посебно внимание посвети на инфраструктурните инвестиции во Македонија, посочувајќи дека развојните проекти на коридорите 8 и 10 се во вредност меѓу 5 и 6 милијарди евра.

Според Николоски, активно се работи на изградбата на железничката инфраструктура на источниот дел од Коридорот 8, додека подготовките за почеток на изградбата на брзата железница на Коридорот 10 се во напредна фаза.

Паралелно со железничките проекти, се реализираат активности за доизградба и модернизација на патната инфраструктура на Коридорот 8, преку изградба на автопати и експресни патишта.

„Наша цел е Македонија да стане вистинска крстосница на Балканот, каде што ќе се спојуваат бизнисот и економијата и ќе придонесеме за зајакнување на безбедноста“, порача Николоски.

Тој оцени дека Виенскиот економски форум претставува значајна можност за промоција на македонските развојни политики, воспоставување нови деловни контакти и привлекување потенцијални странски инвеститори.

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Критичните суровини стануваат европски приоритет, потребни се нови инвестиции и модерно рударство

Latest from Blog

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по

И ЗДРАВЈЕ И РАБОТА: Македонија не смее да остане надвор од европските и светските процеси за развој на современо и одговорно рударство

Активирањето на домашните минерални потенцијали е можност за нови инвестиции, работни места, развој на домашните компании и технолошка модернизација на македонското рударство Светот влегува во нова фаза на развој на рударскиот сектор.

Скопје во центарот на регионалната енергетска соработка – прв форум посветен на зелената транзиција и жените во енергетиката

На 25 ноември 2026 година, Скопје ќе биде во центарот на регионалниот дијалог за иднината на енергетиката. Во хотелот „Александар Палас“ ќе се одржи Првиот форум за енергетска дипломатија „Обновливи извори и
Go toTop