Коњановски: Заеднички ќе ги следиме мерките за заштита на животната средина во Битола

October 7, 2026
1 min read

На иницијатива на градоначалникот на Општина Битола, Тони Коњановски, денеска се одржа првата седница на Координативното тело за следење на имплементацијата на Локалниот еколошки акционен план (ЛЕАП) на Општина Битола.

Координативното тело е формирано на 7 јули со одлука на Советот на Општина Битола, а неговата задача е континуирано и координирано следење на реализацијата на мерките и активностите предвидени во ЛЕАП.

Во составот на телото има 11 членови, меѓу кои градоначалникот, претставници на општинската администрација, советници во Советот на Општина Битола, директори на јавни претпријатија и претставници на граѓански здруженија. Со ваквиот состав се овозможува поврзување на различните надлежности и заедничко дејствување во спроведувањето на локалните политики за заштита на животната средина.

На првата седница членовите беа запознаени со надлежностите и задачите на координативното тело, по што беше презентиран Локалниот еколошки акционен план на Општина Битола за периодот 2024-2030 година и досегашниот степен на реализација на предвидените мерки и активности.

Разгледан беше и предлогот за организација и начинот на понатамошното функционирање на координативното тело, со цел редовно следење на напредокот, размена на информации и навремено идентификување на предизвиците.

ЛЕАП претставува стратешка рамка за заштита и унапредување на животната средина и здравјето на граѓаните во областите што се во надлежност на локалната самоуправа. Во него се опфатени повеќе значајни еколошки предизвици, меѓу кои управувањето со отпадот, дивите депонии, квалитетот на амбиенталниот воздух и заштитата на природата.

Градоначалникот Коњановски истакна дека донесувањето на ЛЕАП е само почетна основа, додека неговата вистинска вредност се гледа преку реализацијата на мерките и постигнувањето конкретни резултати.

„Нашата заедничка задача е ЛЕАП да го претвориме од стратешки документ во конкретни резултати. Само преку континуирано следење, одговорност и добра координација можеме да постигнеме реални подобрувања во животната средина и квалитетот на живот во Општина Битола“, истакна Коњановски.

Преку работата на координативното тело ќе се следи реализацијата на планираните активности, ќе се утврдуваат евентуалните проблеми и ќе се предлагаат мерки за нивно надминување, со цел активностите од ЛЕАП да се преточат во конкретни и видливи резултати за Битола и нејзините граѓани.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

НАПАД СО НОЖ ВО УЧИЛИШТЕ ВО ПОЛСКА: Повредени се најмалку осум лица, уапсен е 19-годишен ученик

Следно

Македонија има рударски кадри, но каде ќе работат? Иловица е еден од проектите што може да отвори нови можности

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop