ЈУЖНА КОРЕЈА МЕЃУ КИЕВ И МОСКВА: Трговија со гориво зад грбот на санкциите

October 6, 2026
3 mins read

Гориво од
Јужна Кореја стигнува до Русија – делумно преку танкери под санкции – во време
кога Москва се соочува со недостиг на залихи поради војната во Украина.
Анализата на пристанишните евиденции и податоците за следење на пловила открива
дека, во текот на јули и август, повеќе од 176.000 тони гориво – првенствено
дизел – биле натоварени на седум танкери во неколку јужнокорејски пристаништа.
Овие пловила извршиле вкупно 14 патувања до рускиот Далечен Исток, пренесува
„Гардијан“.

Танкери
под санкции во корејските пристаништа

Три од
седумте користени пловила биле предмет на санкции воведени од Обединетото
Кралство и Европската Унија. Едно од нив го презело товарот преку трансфер од
брод на брод во јужнокорејските води. Ваквите методи можат да се користат за
прикривање на потеклото на товарот и за да им се овозможи на пловилата да
избегнат пристанување на пристанишните терминали.

„Шокантно е
што танкери санкционирани од Европската Унија натовариле гориво во
јужнокорејски пристаништа и го транспортирале до Русија“, изјави Ајзак Леви,
аналитичар во Центарот за истражување на енергија и чист воздух (CREA), со
седиште во Финска. „Ова го поткопува режимот на санкции и поддршката што Јужна
Кореја ѝ ја дава на Украина.“

Политиката
на Сеул меѓу Киев и Москва

Сеул испрати
хуманитарна помош и несмртоносна воена опрема – како што се шлемови, панцири и
возила за деминирање – во Украина. Во 2023 година, земјата исто така вети
поддршка од 2,3 милијарди долари, главно во форма на заеми. И покрај тоа, Јужна
Кореја долго време се обидува да ја балансира поддршката за Украина со желбата
за подобрување на односите со Русија.

Во текот на
војната, Сеул одбиваше директно да испраќа оружје во Киев, што е во согласност
со неговата практика да не испорачува смртоносно оружје на земји вклучени во
конфликт. Москва покажа интерес за обновување на односите со Јужна Кореја,
вклучително и трговските врски.

Иако
трговијата со гориво вклучува бродови санкционирани од некои од западните
партнери на Сеул, таа не изгледа како да ги прекршува јужнокорејските закони.
Мерките што Јужна Кореја ги воведе против Русија главно се однесуваат на
контролата на извозот на стоки како што се индустриски машини, електроника и
возила. Сепак, овие пратки носат ризик Сеул да биде доживеан како слаба алка во
напорите на Западот да изврши притисок врз Русија. Истовремено, односите со
Киев се затегнати поради префрлањето на двајца севернокорејски воени заробеници
во Јужна Кореја – потег што Сеул планираше да го задржи во тајност.
Евиденцијата на јужнокорејските пристаништа не открива кој е сопственик или
продавач на горивото.

Движење
на спорните бродови

Најголемиот
транспортер, бродот „Лајла“ (Layla) кој е под санкции, двапати пловел од
југоисточното пристаниште Улсан до Владивосток – на 19 јули и на 10 август – и
превезол вкупно 57.000 тони дизел. При првото патување, пред јужнокорејските
власти го пријавила Владивосток како дестинација, но при второто патување ја
навел Ниигата во Јапонија. Вториот танкер под санкции, „Асторија“ (Astoria) –
кој плови под руско знаме и исто така е предмет на австралиски санкции –
натоварил речиси 11.000 тони гориво во Улсан на 1 август. Како дестинација ја
пријавил Јапонија, но потоа отпловил кон Владивосток.

Третиот
танкер под санкции, „Чонгчон“ (Chongchon), воопшто не впловил во пристаниште.
На почетокот на август, тој презел околу 26.000 тони гориво од танкерот „Селест
I“ (Celeste I), кој не е под санкции, на место за сидрење во близина на
јужнокорејското пристаниште Јосу. Потоа се упатил кон Владивосток, иако како
дестинација го имал пријавено Сингапур. Сопствениците и операторите на четирите
танкери не одговорија на барањата за коментар.

Руската
потреба за увоз на гориво

Капацитетите
за преработка на нафта во Русија се значително намалени поради нападите со
украински беспилотни летала. Според податоците на Меѓународната агенција за
енергетика, обемот на преработка во руските рафинерии во јуни паднал на
најниско ниво во последните повеќе од 20 години.

Производството
на дизел е намалено за речиси 30 отсто во споредба со минатата година.
Украинската воена разузнавачка служба (HUR) тврди дека Москва е принудена да
увезува нафтени деривати за да ја снабдува својата воена машинерија. Според
податоците на компанијата за поморска аналитика „Kpler“, меѓу купувачите биле
„Роснефт“ – руска државна нафтена компанија под санкции од Обединетото
Кралство, САД, ЕУ и Австралија – и „ННК“, руска нафтена групација. Сопственикот
на „ННК“, Едуард Худаинатов, и една од компаниите во групацијата, „ННК-Оил“, се
предмет на британски санкции.

Јужна
Кореја како клучен снабдувач

Во август,
Русија увезла 368.000 тони нафтени деривати по морски пат, што е седум пати
повеќе од претходниот месец и претставува најголема месечна количина од
почетокот на инвазијата врз Украина. Јужна Кореја учествувала со 112.000 тони,
односно 31 отсто, и според количината се нашла веднаш зад Индија.

Обемот на
товар во јужнокорејските пристаништа почнал нагло да расте во јули. Ова се
случило токму во моментот кога претседателот Ли Џе-мјонг ветил 100 милиони
долари за обнова на Украина на самитот на НАТО во Турција. Истражување
спроведено од едно трговско здружение покажало дека речиси 80 отсто од
јужнокорејските компании, кои го прекинале извозот во Русија по почетокот на
војната, биле подготвени повторно да ја воспостават трговската соработка.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Овации и бис за македонскиот тенор Ѓорѓи Цуцковски на фестивалот „Due Siciliae“

Следно

Божиновска: Со Србија, Грција и Бугарија ја продлабочуваме регионалната енергетска соработка

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop