Фудбалската репрезентација на Македонија со меч против Швајцарија, идната сабота во Скопје, го започнува настапот во дивизијата „Б“ на Лигата на нации. Билетите веќе се во продажба по цени кои се движат од 500 до 3.000 денари за ВИП зоната.
Досега се продадени околу 5.000 билети, а од ФФМ очекуваат дека бројката на продадени влезници ќе биде 15.000.
Селекторот Гоце Седлоски ги повика навивачите да дојдат во голем број и да ги поддржат фудбалерите.
„Ги повикувам навивачите да дојдат, да нѐ бодрат, да ни дадат поддршка, бидејќи ни е потребна, а јас како селектор, како стручен штаб да возвратиме со добра игра и голема борба, па да ги израдуваме со победа.“ – рече Седлоски.
Извор: sportmanija.mk
