АНКАРА (АА) – Посетата на британскиот крал Чарлс Трети на Франција е одложена поради масовните штрајкови и протести, соопшти француското Претседателство, пренесува Анадолу.
Тридневната посета требаше да започне на 26 март.
Француската и британската Влада ја донесоа оваа одлука, по телефонскиот разговор меѓу францускиот претседател Емануел Макрон и кралот Чарлс, се вели во соопштението на Елисејската палата, според вестите објавени во медиумите.
„Одлуката е донесена за да може кралот да биде пречекан под околности што одговараат на нашите пријателски односи“, се вели во соопштението, потсетувајќи дека новите штрајкови во Франција се планирани за 28 март.
Француското Претседателство соопшти дека посетата ќе биде презакажана што е можно поскоро.
Со реформите се предвидува зголемување на старосната граница за заминување во пензија од 62 на 64 години, како и најмалку 43 години работа за да се оствари правото на целосна пензија.
Планот предизвика гнев во јавноста откако беше објавен минатата година, со масовни протести и штрајкови низ целата земја од јануари.
Извор: www.aa.com.tr
