Сите во таборот на селекцијата на Египет по поразот од Аргентина беа гневни, особено Мустафа Зико кој не го криеше своето негодување по елиминацијата во осминафиналето на Светското првенство. Поголемиот дел од критиките ги насочи кон главниот судија Франсоа Летексие.
По натпреварот, Зико рече дека Египет одигра одлична игра против актуелните светски шампиони, но верува дека неговата репрезентација не била третирана еднакво на теренот.
„Бевме брилијантни против актуелните светски шампиони. Но, судијата Франсоа Летексие беше очигледно пристрасен од самиот почеток на натпреварот“, рече Зико.
Според него, во текот на целиот натпревар, францускиот судија донел одлуки кои биле на штета на Египет и се обидел да го запре нивниот ритам на играта.
„Тој постојано се обидуваше да нè запре и сакал да нè замолчи на теренот“, додаде египетскиот фудбалер. Сепак, не застанал тука. Зико упати и многу сериозни обвинувања против самото натпреварување, тврдејќи дека исходот од Светското првенство бил однапред одреден.
„И честитам на Аргентина за освојувањето на Светското првенство. Турнирот е наместен и не им треба ништо повеќе“, рече видливо разочараниот репрезентативец на Египет. На крајот, тој уште еднаш повтори дека верува оти судењето е главната причина зошто неговиот тим не можеше да постигне подобар резултат.
„Судијата беше неправеден, неправеден, неправеден, неправеден“, заклучи Зико.
Натпреварот помеѓу Аргентина и Египет предизвика бројни реакции на социјалните мрежи, каде што некои навивачи коментираа и за неколку контроверзни судиски одлуки.
🇪🇬🗣️ Mostafa Ziko: “We were brilliant against the reigning world champions. But the referee, François Letexier, was definitely biased from the very start of the match.
He constantly tried to stop us and wanted to shut us down on the pitch.
Congratulations to Argentina for the… pic.twitter.com/yj3g6hDQWF
— Football Tweet ⚽ (@Footballtweet) July 7, 2026
Извор: vecer.mk
