Пред нас е нов фудбалски ден на Мундијалот и секако дека кога на сцена се Меси, Мбапе, Олисе, Халанд и другите, јасно е дека очекуваме нов спектакл, нови спектакуларни натпревари.
И Аргентина и Австрија влегоа на турнирот со три бода – Аргентина убедливо го победи Алжир со 3-0, додека Австрија го скрши отпорот на Јордан во доцните фази и славеше со победа од 3-1. Триумф во овој натпревар би обезбедил Аргентина да се пласира во следната фаза од натпреварувањето, каде што, како првопласирана екипа во Групата Ј, би се сретнале со второпласираната екипа од Групата Х (Шпанија, Уругвај, Саудиска Арабија или Зелен ’Рт).
Селекторот на Аргентина, Лионел Скалони, го потчини целиот систем на Лионел Меси, кој постигна сензационален хет-трик на првиот натпревар против Алжир. На легендарниот капитен сега му треба само уште еден гол за да го сруши рекордот на Мирослав Клозе за голови на Светското првенство (16). Што се однесува до поставата, десниот бек Гонзало Монтиел е под знак прашалник поради проблем со задната ложа, па Нахуел Молина се очекува во првата постава, додека стоперскиот пар повторно ќе го сочинуваат Кристијан Ромеро и Лисандро Мартинез. Средината на теренот ќе ја држи четворката од средниот ред зад Меси, составена од Родриго Де Пол, Алексис Мек Алистер, Енцо Фернандез и Тијаго Алмада, додека Лаутаро Мартинез ќе игра на самиот врв на нападот. Австрија, под водство на Ралф Рангник, сака да стигне до нокаут фазата на Светското првенство за прв пат од 1982 година, но има големи проблеми во дефанзивната линија.
Франција бара победа против Ирак во Филаделфија за да обезбеди место во осминафиналето пред псоледното коло. На отворањето на турнирот, „Триколорите“ преживеаа ран шок и го победија Сенегал со 3-1, додека Ирак претрпе тежок пораз од Норвешка со 1-4, па влегуваат во овој тест како целосен аутсајдер. Пораз за Ирачаните, во случај Норвешка да земе барем бод против Сенегал, би значел дефинитивен крај на надежите за првите две места во групата.
Првото име на француската победа на почетокот од Светското првенство беше капитенот Килијан Мбапе. Откако постигна два гола за Сенегалците, 27-годишниот напаѓач стана најдобар стрелец во историјата на француската машка репрезентација (престигнувајќи го Оливие Жиру), но исто така го сруши и историскиот рекорд на Жист Фонтен за бројот на голови за Франција на Светското првенство. Тренерот Дидие Дешамп е принуден да го избалансира составот поради загриженост за мали повреди на неговата дефанзивна четворка.
Јасно е дека Норвешка на Халанд е фаворит против Сенегал, а се очекува интересно да биде и на мечот Јордан – Алжир.
ГРУПА Ј
ДАЛАС – 19.00
Аргентина – Австрија
ГРУПА И
ФИЛАДЕЛФИЈА – 23.00 Ч
Франција – Ирак
ГРУПА И
ЊУ ЏЕРСИ – 02.00
Норвешка – Сенегал
ГРУПА Ј
САНТА КЛАРА – 05.00 Ч
Јордан – Алжир
Извор: vecer.mk
