ЈКП „Комуналец“ – Прилеп информира дека во пресрет на празникот Курбан Бајрам, кој годинава започнува на 27 мај, се поставени два специјални контејнери за одлагање отпад од животинско потекло.
Контејнерите се поставени на две локации – кај џамијата и во близина на муслиманските гробишта, со цел правилно и безбедно собирање на отпадот за време на празничните денови.
Од јавното претпријатие апелираат до верниците отпадот од животинско потекло да се одлага исклучиво во поставените контејнери, со што ќе се придонесе за зачувување на јавната хигиена и животната средина.
„Ви посакуваме среќен празник. Грижата за животната средина е обврска на секој граѓанин“, порачуваат од ЈКП „Комуналец“ – Прилеп.
