Коалицијата ВЛЕН побара одговори од ДУИ и од поранешниот министер за надворешни работи Бујар Османи во врска со, како што велат, нивните врски со почесниот конзул на Србија, Владимир Стајиќ.
„Колку повеќе ДУИ се обидува да зборува за српско влијание, толку повеќе на површина излегуваат нивните сопствени траги. Отворен Балкан, Охрид, Свети Наум, а сега и Владимир Стајиќ, почесниот конзул на Србија на официјалните приеми на Бујар Османи“, велат од ВЛЕН.
Од коалицијата прашуваат кој го поканил Стајиќ на официјалните приеми за време на претседавањето на Османи со ОБСЕ и каков однос имал со него.
„Бујар Османи треба јасно да одговори. Кој е Владимир Стајиќ за него? Зошто, во времето кога се претставуваше со претседавањето со ОБСЕ, Стајиќ бил присутен како почесен конзул на Србија во Северна Македонија? Кој го поканил и каков однос имал со него? Албанците заслужуваат да ја знаат вистината“, наведуваат од ВЛЕН.
Во соопштението додаваат дека ВЛЕН е „против секое српско влијание и против секој проект што ѝ штети на Косово“, обвинувајќи ја ДУИ дека не се спротивставила на таквите политики.
