Иако фановите на Манчестер Сити веќе ја слават титулата, сепак не ќе е баш така. Имено битката за титулата во Премиерлигата стана неверојатно напната откако Манчестер Сити го победи Арсенал со 2-1 во директен судир. Иако моментумот се чини дека е на страната на тимот на Пеп Гвардиола, суперкомпјутерот има поинакво мислење и дава изненадувачко предвидување. Неделното дерби на „Етихад“, најавено како можен одлучувачки натпревар во сезоната, му припадна на Манчестер Сити. Домашниот тим го доби напнатиот натпревар со 2-1 со головите на Рајан Черки и Ерлинг Халанд. Со оваа победа, Сити се приближи до Арсенал, кој заостанува само три бода, со натпревар помалку. Сити ќе го игра својот натпревар од 34-то коло во среда против Барнли, а со победа во тој натпревар, Сити би го презел врвот на табелата барем до сабота кога ќе игра против Арсенал. Сити ќе го игра својот преостанат натпревар од 31-то коло, против Кристал Палас, на 22 мај. Иако поразот беше тежок удар за „топџиите“, математиката и статистиката сугерираат дека трката е далеку од завршена.
Откако се смирија страстите од големото дерби, суперкомпјутерот на Оптима го објави своето најново предвидување, објавува „Спортс илустрејтид“. Иако многумина сега го сметаат Сити за јасен фаворит, напредниот статистички модел сепак му дава на Арсенал значителна предност. Според илјадници симулации, тимот на Микел Артета има 72,97 проценти шанси да го подигне трофејот на крајот од сезоната, додека шансите на Сити се проценуваат на само 27,03 проценти.
Извор: vecer.mk
