Русија не учествува во преговорите меѓу САД и Иран, но е подготвена да помогне во постигнувањето мирно решение, изјави портпаролот на рускиот претседател Дмитриј Песков.
– Во моментов, Руската Федерација не е посредник во процесот на преговори. Како што постојано изјавуваме на различни нивоа, секако сме подготвени да обезбедиме каква било помош потребна за постигнување мирно решение и соодветен договор – рече тој, пренесува „РИА Новости“.
Според него, ситуацијата во Ормутскиот теснец е „кревка и непредвидлива“. Песков нагласи дека Русија се надева дека преговорите меѓу Иран и САД ќе продолжат и дека конфликтот нема да биде насилно обновен.
Тој предупреди дека ако воениот конфликт продолжи, може да има многу повеќе негативни последици и за регионалната безбедност и за глобалната економија.
Извор: vecer.mk
