Една минимална плата не е доволна ни за леб и вода, коментира во објава на Фејсбук претседателот на Сојузот на синдикатите на Македонија, Слободан Трендафилов, откако ССМ денеска ја објави минималната синдикална кошничка.
– Но имаше и такви кои се бореа против зголемување на минималната плата !
Денеска, само делот за храна и пијалоци од Синдикалната минимална кошница изнесува 26.085 денари, или една минимална плата не е доволна само за ,,леб и за вода”, а за покривање на основните трошоци за живот се потребни 2,6 минимални плати. – напиша Трендафилов.
Вредноста на Синдикалната минимална кошница за месец април 2026 година изнесува 68.797,00 денари, споредена со вредноста на Синдикалната минимална кошница за месец март 2026 година која изнесува 67 818,00 денари е зголемена за 979,00 денари. Со изнајмен стан од 60 м2 за месец март изнесува 84 172,00 денари.
Извор: zurnal.mk
