Во населбата Калниште во тек се градежни работи за изградба на улицата „3“, која ќе ги поврзува двете чешми во овој дел од општината. Увид во активностите изврши градоначалникот на Општина Пробиштип, Тони Тоневски.
Проектот опфаќа пробивање, тампонирање и асфалтирање на улицата, со вкупна вредност од околу 4.700.000 денари. Финансиските средства се обезбедени од Министерството за транспорт и врски.
Од општината информираат дека изградбата на оваа улица е дел од пошироките активности за подобрување на локалната инфраструктура, со цел обезбедување побезбедно и поквалитетно движење за жителите.
Тоневски посочи дека ваквите проекти директно придонесуваат за подобрување на условите за живот во населените места и најави дека општината ќе продолжи со инвестиции во инфраструктурата и во наредниот период.
