Видео од тунелот во „Идризово“: Бил долг 40 метри, го копале осудени на доживотен затвор

March 21, 2023
2 mins read

Акцијата за откривање почнала откако МВР добило сознанија дека група од најмалку осум осудени лица кои издржуваат казни од 10 години до доживотен затвор, подгтовува организирано бегство

Четириесет метри долг, на длабочина од околу еден метар и широк околу 80 сантиметри во дијаметар е тунелот што бил ископан во затворот „Идризово“.   

Министерството за внатрешни работи попладнево излезе официјално со детали за тунелот во најаголемиот затвор во државата, преку кој, како што се наведува, најмалку осуммина затвореници осудени на високи затворски казни планирале организирано бегство.

„Министерството за внатрешни работи, Биро за јавна безбедност, Оддел за сузбивање на организиран и сериозен криминал во координација со Агенцијата за национална безбедност спречи организирано бегство од Казнено поправниот дом Идризово“,

изјави попладнево портпаролот на МВР, Тони Ангеловски.

Тунелот бил откриен откако МВР добило криминалистички сознанија за планот за бегство на затворениците преку тунелот.  

„Министерството за внатрешни работи по добиени криминалистички сознанија дека група од најмалку осум осудени лица кои издржуваат казна затвор во КПД Идризово, осудени за сериозни кривични дела со определени казни од 10 години до доживотен затвор, подготвуваат бегство од затворот со копање на тунел, спроведе криминалистичко оперативни активности на проверка на информациите по што истите ги сподели со Управата за извршување на санкциите“,

соопшти Ангеловски.

Откако сознанијата ги доставиле до Управата за извршување санкции, биле извршени проверки на местото на кое било посочено дека е можно да се наоѓа тунелот. Натамошните активности на истражните органи, во кои како што може да се види од видеото објавено од МВР била употребена и градежна механизација, го откриле ископаниот тунел.

Според МВР, тој бил долг околу 40 метри и лоциран близу објект кој се користел за одлагање на јаглен во правец на заштитната ограда зад која се наоѓа женското одделение во затворот, а во непосредба близи на заградата на затвореното одделение во „Идризово“.

Тунелот бил на длабочина од околу еден метар, а во дијаметар бил широк околу 80 сантиметри и бил обезбеден со попречни греди и тули.

„Во тунелот се пронајдени повеќе пластични корпи на кои се врзани јажиња, а со кои се извлекувала ископаната земја и електричен кабел со сијалица која им служела за осветлување на тунелот“,

информираат од МВР.

Оттаму велат дека во координација со надлежното јавно обвинителство преземаат доплнителни активности за целосно расчистување на случајот.

Истовремено додека екипите на надлежните институции денеска беа на терен во затворот „Идризово“, премиерот на Димитар Ковачевски на прес-конференција соопшти дека на седница на Влада е разрешен сега веќе поранешниот директорот на затворот „Идризово“, Шпенд Тахири. На негово место на предлог на Ковачевски, за нов в.д. директор на Казнен-поправниот дом е именуван генерал-мајог Зоран Јовановски, кадар со богата кариера во Министерството За внатрешни работи.

Премиерот Ковачевски на прес-конференцијата воопшто не го спомена денешниот случај со тунелот во „Идризово“, додека ја споделуваше информацијата за разрешувањето на директорот и иемнувањето на нов, ниту дека тоа е поврзано со тунелот во затворот.

Сепак, одговарајќи на новинарско прашање Ковачевски рече дека сите информации кои се однесуваат на оваа институција ги имаат службите кои се задолжени за безбедноста во државата.

„Вклучително Министерството за внатрешни работи, Агенцијата за национална безбедност, Агенцијата за разузнавање, Управата за извршување санкции и се што е потребно е преземено во однос на санирање и унапредување на состојбите во КПД `Идризово`“,

рече премиерот.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

(Видео) Објавена снимка од тунелот во Идризово: Полицијата со детали за обидот за бегство

Следно

Јапонскиот премиер ја посети Буча

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop