Волонтерството е популарно во развиените земји: каква е состојбата во Македонија?

April 7, 2026
1 min read

Волонтирањето кај македонските граѓани не е толку застапено како во развиените земји ако судиме според статистички податоци. Некои анализи покажуваат дека Македонија ја има една од најниските стапки на волонтирање во светот и често е рангирана меѓу државите со ангажман под 10 отсто. Во истражувањата кои се правени во земјава, луѓето одговарале дека не се активни во некоја невладина, затоа што не се заинтересирани, немаат време или не се информирани. Сепак, дел од младите волонтираат со цел да ја збогатат својата професионална биографија, да стекнат нови контакти и искуства. Од организациите исто потврдуваат дека најголем дел од волонтерите се млади луѓе.

„Има одзив, секоја година испраќаме волонтери во странство од 2 месеци до година да престојуваат таму преку Еразмус плус. Локални акции ако работиме, ни се приклучуваат. Доаѓаат на работилници, на акции за чистење, соработуваат со странските волонтери, ги назначуваме како ментори, да им го покажат градот, да се дружат. И кај нас е популарно волонтерството. Во Франција на пример имаат Француски граѓански сервис, така што луѓето ги праќаат во странство, но можат и локално да волонтираат“, вели Горан Галабов од Волонтерски центар Скопје.

Сузана Тунева-Пауновска, секретар на Црвен Крст на Град Скопје објаснува дека тие си имаат поставено цел да го зголемат бројот на волонтери, но додава дека секако треба да го следиме примерот на развиените земји.

„Кај нас бројката на луѓе кои се членови во Црвен Крст е 11.000 на ниво на држава и плус имаме уште 7.000 активни волонтери, значи вкупно 18.000. Во последните години работиме на активно стареење, ги вклучуваме волонтерите од трето доба и тука имаме подобрување. До 2028 година, планираме бројот на волонтери да го зголемиме за 10.000“, рече Тунева-Пауновска.

Земји со најголем број волонтери во светот се САД, Нов Зеланд и Норвешка, според volunteerfdip.

Во САД, 41,9 отсто од испитаниците волонтирале. Волонтирањето е дел од американската култура, со 77,34 милиони возрасни лица кои волонтирале во 2023 година.

Во Нов Зеланд, 41,53 отсто од испитаниците волонтирале, односно придонесуваат со 159 милиони часа годишно во формална волонтерска работа.

Во Норвешка, 38,93 отсто од испитаниците волонтирале и значителното учество во волонтерски задачи ја рангира државата на трето место во светот.

Понатаму, во Канада 38,06 отсто од испитаниците волонтирале, односно 13,3 милиони луѓе посветиле 2,07 милијарди часа на волонтерски активности.

Во Австралија, 37,9 отсто од испитаниците волонтирале, односно 6,1 милиони возрасни луѓе се занимаваат со волонтерска работа годишно.

Зад неа е Холандија, земја каде 37,15 отсто од испитаниците се пријавиле како волонтери или над половина од младите Холанѓани на возраст од 15 до 24 години повремено волонтираат.

Во Ирска, 35 отсто од испитаниците се пријавиле како волонтери, односно над еден милион Ирци годишно се приклучуваат на волонтерски програми.

Зад Ирска се редат Швајцарија, Австрија, Обединетото Кралство, Франција, Финска, Јапонија, Белгија, Германија.

За споредба во Германија, 22,72 отсто од испитаниците волонтирале или околу 17,1 милиони Германци се вклучени во волонтерска работа.

Извор: zurnal.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ЛШ: Баерн го „замолкна“ Мадрид, Хаверц во фото-финиш за победа на Арсенал (ВИДЕО)

Следно

Ужас во парк во Калифорнија: Барале велигденски јајца, пронашле човечки череп (ВИДЕО)

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop