Вечерва се играат четири реванш натпревари од 1/8 финалето во Лигата на Шампионите. И повеќе од јасно е дека сите погледи ќе бидат свртени кон „Етихад“ каде Манчестер Сити го дочекува Реал Мадрид. На првиот меч на “Сантијаго Бернабеу“ беше 3:0 за “кралевите“, сите три гола беа дело на Федерико Валверде, па затоа Пеп и неговата чета се пред елиминација. Јасно е дека ништо уште не е готово, ама Реал тешко дека ќе си дозволи пораз од 3-4 голови разлика, посебно не кога во тимот се вратија Мбапе и Белингем.
И Челзи има пеколен реванш. Светскиот првак на свој терен треба да ги “брка“ оние 2:5 за ПСЖ. Во секој случај ќе биде супер интересно, Сити и Челзи секако дека нема однапред да се предадат, но пред себе имаат (не)возможна мисија.
Интересно, вечерва во Лондон во исто време, од 21 часот, се играат два меча во ЛШ. Првиот на “Стемфорд Бриџ“ како што веќе нагласивме, а на „Емирејтс“ домашниот Арсенал го дочекува Баер Леверкузен. На првиот меч во Германија беше 1:1, па тимот на Микел Артета има убава шанса за пласман во следната фаза. Дали вечерва дури три екипи од ПЛ ќе бидат елиминирани, останува да се види.
Бодо/Глимт или “Чудото од Норвешка“ вечерва во Лисабон ги брани тие 3:0 од првиот меч и тоа против Спортинг Лисабон. Веројатно Норвежаните ќе стават печат на пласман во 1/4 финалето.
ДВОЈКИ ЗА ВЕЧЕРВА
Извор: vecer.mk
