Според шпанските медиуми, норвешкиот голгетер поставил јасен услов за неговото евентуално доаѓање во Реал Мадрид. А тоа не е ниту платата, ниту должината на договорот, ниту клаузулите. Станува збор за тренерот.
Наводно, Халанд би бил спремен да размисли за преселба на Сантијаго Бернабеу само под едно сценарио: ако клубот го назначи Јирген Клоп за свој нов тренер.
Според овие извори, пораката е јасна. „Ќе дојдам, но само ако тој го води проектот“.
Халанд верува дека под водство на Клоп, би можел да игра во системот што најмногу му одговара, а тоа е агресивен пресинг, брза транзиција и директен фудбал. Стил што веќе го направи еден од најсмртоносните напаѓачи во дресот на Манчестер Сити денес.
Норвежанецот има долгорочен договор со Манчестер Сити, а „Граѓаните“ немаат намера лесно да ја пуштат својата најголема ѕвезда. Сепак, познато е дека во модерниот фудбал ништо не е невозможно кога играчот јасно го искажува своето мислење.
Она што дополнително ја разгорува приказната е фактот дека Клоп моментално е без работа, што отвора простор за шпекулации. Сепак, се поставува прашањето – дали Реал Мадрид навистина ќе ја прилагоди својата тренерска политика на желбите на еден играч, дури и ако тоа е Халанд?
Мадрид сонува за напаѓачки тандем кој би доминирал во Европа со години, но патот до тоа очигледно има свои услови и пречки.
Напаѓачот пристигна во Сити во 2022 година и, откако освои неколку титули, вклучувајќи ја и Лигата на шампионите, нема да има ништо против да ја проба среќата во друга лига. Понатаму, спортскиот проект на англискиот клуб сè уште нема јасна насока.
Заминувањето на Бернардо е неизбежно, Родри сè уште не потпишал продолжување на договорот, а Пеп Гвардиола има договор до 2027 година. Ова сценарио на промени го принудува Халанд да ја преиспита својата иднина.
Ова не е прв пат името на Норвежанецот да се поврзува со Реал Мадрид. Всушност, Флорентино Перез беше многу блиску до негово потпишување во 2022 година, но на крајот се одлучи за Килијан Мбапе.
Извор: vecer.mk
