Претседателот на Бугарија Румен Радев во вонредно обраќање до нацијата, поднесе оставка од функцијата. Тој се одлучи на ваков чин на датумот на кој положо заклетва за својот втор мандат пред 4 години.
„Денеска би се обраќам како претседател за последен пат. Прво сакам да ве замолам за прошка, времето ја тестираше вашата доверба, затоа ви благодарам за вашето трпение“, изјави Радев.
Во вторник тој ќе ја предаде оставката до Уставниот суд, а неговата позиција ќе ја преземе потпретседателката Илијана Јотова.
„Убеден сум дека Јотова ќе биде достоен шеф на државата. Сакам и на неа да и се заблагодарам за поддршката во овие девет години. За овие девет години како потпретседател и претседател, докажавме дека можеме да работиме синхронизирано кога имаме цел. И убеден сум дека Јотова ќе биде достоен претседател“, рече Радев.
Радев извести што се случило во последните девет години, напоменувајќи дека Бугарија се приклучи кон Шенген и еврозоната, но објасни зошто постигнувањето на овие цели не донесе стабилност и задоволство, затоа што излезноста на граѓаните опаѓа и зошто луѓето не му веруваат на судскиот систем.
„Одговорот лежи во лошиот систем на управување. Има надворешни знаци на демократија, но фунцкионира според механизмите на олигархијата. Политиката се случува надвор од институциите“, изјави Радев.
Извор: vecer.mk
