Пронајдени остатоци од исчезнатиот авион во Индонезија – потрагата по патниците сè уште е во тек

January 18, 2026
1 min read

Индонезиските власти денеска потврдија дека се лоцирани остатоците од надзорниот авион кој исчезна вчера со 11 лица. Потрагата по патниците и екипажот во планинскиот регион на провинцијата Јужен Сулавеси и понатаму е во тек. Авион од типот ATR 42-500 ја изгубил врската со контролата на летање во саботата попладне, пренесува CNN.

Пронаоѓање на остатоците


Спасувачките екипи во неделата наутро ги лоцирале остатоците од авионот на планината Булусараунг во регионот Марос, околу 1.500 километри североисточно од главниот град Џакарта. Анди Султан, претставник на спасувачката агенција на Јужен Сулавеси, изјавил дека хеликоптерските екипи забележале делови од леталото.

„Нашите хеликоптерски екипи видоа остатоци од авионски прозорци во 7:46 часот наутро“, изјави Султан.


„А околу 7:49 часот откривме поголеми делови од авионот за кои се сомневаме дека се дел од трупот.“ Тој додал дека и репот на авионот бил забележан во подножјето на планинската падина.

Потрага и спасување


По пронаоѓањето на остатоците, властите најавија ангажирање на 1.200 членови на спасувачки тимови во потрагата по исчезнатите. „Наш приоритет е потрагата по жртвите и се надеваме дека некои ќе можеме безбедно да ги евакуираме“, изјави за локална телевизија Мухамад Ариф Анвар, раководител на спасувачката агенција на Јужен Сулавеси.

Потрагата е отежната поради густа магла и непристапен планински терен. На видеоснимка споделена од спасувачката агенција се гледаат делови од авионот расфрлани по планината, опкружени со густа магла и силен ветер.

Детали за летот и истрагата

Турбопропелерскиот авион, во сопственост на Indonesia Air Transport, ја изгубил врската со контролата на воздушниот сообраќај во саботата околу 13:30 часот по локално време. Леталото било изнајмено од индонезиското Министерство за поморство и рибарство за потреби на воздушен надзор на рибарството. Во авионот имало осум членови на екипажот и тројца патници, сите вработени во министерството.

Авинот бил на лет од провинцијата Џогјакарта кон Макасар, главниот град на Јужен Сулавеси. Причината за несреќата засега не е позната, а истрагата ќе ја води Националниот комитет за безбедност во сообраќајот на Индонезија.

Според податоците на страницата за следење летови Flightradar24, авионот летал над океанот на мала височина, поради што покриеноста со сигнал била ограничена, а последниот сигнал бил примeн околу 20 километри североисточно од аеродромот во Макасар. ATR 42-500, што го произведува француско-италијанската компанија ATR, е регионален турбопропелерски авион со капацитет од 42 до 50 патници.


Извор: tv21

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Стојаноски: Филипче и Заев преку институции под нивна команда, сакале за багателна цена да ја земат клиниката Жан Митрев

Следно

„Тик-так, тик-так…“: Франк пред отказ од Тотенхем!

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop