Пред да бидат спасени, туристите дури и се фотографирале покрај нивниот изнајмен Мерцедес, кој привремено станал атракција на скијачката патека.
Невообичаена интервенција е забележана во градот Бордес д’Енвалира во Андора, каде што службите за итни случаи добиле неколку повици за автомобил кој излетал од патот и се заглавил на средина од скијачката патека.
На лице место е утврдено дека тројца млади туристи од Тајван буквално ги следеле упатствата за GPS навигација – толку буквално што завршиле во самиот скијачки центар, во близина на дадената дестинација.
Жената што го управувала возилото не застанала сè додека автомобилот не се заглавил целосно во длабокиот снег. Извлекувањето на возилото било исклучително тешка задача и траело повеќе од три часа, со употреба на три метални кранови.
За среќа, никој не е повреден во овој необичен инцидент.
Извор: vecer.mk
