Стапката на невработеност во Германија во декември изнесува 6,2 отсто, а бројот на невработени се зголемил за 3.000 во споредба со октомври, достигнувајќи 2.908 милиони, покажуваат денес објавените податоци на тамошната Федерална агенција за труд (BA).
На годишно ниво, бројот на невработени во Германија се зголемил за 101.000 во споредба со декември 2024 година, а стапката на невработеност е повисока за 0,2 отсто во однос на истиот период минатата година.
На денешната прес-конференција во Нирнберг, директорката на BA, Андреа Налес, изјави дека пазарот на труд во Германија недостасува економски замав и дека очекува трендот на слаби резултати да продолжи, наведува германската Федерална агенција за труд.
Податоците покажуваат дека во декември биле регистрирани 619.000 слободни работни места во Германија, што е за 35.000 помалку од истиот месец во 2024 година.
Во извештајот за декември е истакнато и дека 1.033.000 луѓе во Германија примаат надомест за невработеност, што значи дека бројот е зголемен за 102.000 во споредба со претходната година.
Како и минатиот месец, околу седум отсто од работоспособното население во Германија и понатаму зависи од социјална помош, се наведува во извештајот, пренесува Танјуг.
Извор: tv21
