Џоли го посети египетското Здружение на Црвената полумесечина за да добие увид во хуманитарните напори кон блокираниот крајбрежен појас, соопштија извори од организацијата.
Регионалниот гувернер ја прими Џоли и ја придружуваше за време на нејзината посета на премиенот. Арапските медиуми објавија дека присутен бил и претставник на американскиот Стејт департмент.
Џоли, потоа со симболичен гест помогна во пакувањето хуманитарни материјали за Газа и ја изрази својата благодарност за напорите на Египет. Таа, исто така, ја пофали клучната улога што ја играат волонтерите и персоналот во ефикасната дистрибуција на хуманитарни материјали и покрај бројните предизвици.
Таа се појави и во блиската болница Ал-Ариш.
Џоли пред повеќе години беше специјален пратеник на агенцијата за бегалци на ОН -УНХЦР, а и денеска продолжува да посетува воени и кризни региони низ целиот свет за да го привлече вниманието кон страдањето на цивилите.
Рафа е единствениот граничен премин во Појасот Газа што не води директно до Израел. Преминот беше затворен за време на војната во Газа. Хуманитарните организации веќе долго време бараат преминот да биде отворен.
Извор: vecer.mk
