За
холивудската миленичка Никол Кидман (58), изминатата година не беше меѓу
најдобрите во нејзиниот живот. Светската јавност беше изненадена од веста за
нејзиниот развод од кантри-ѕвездата Кит Урбан, со кого помина деветнаесет
години во брак.
Токму
затоа актерката реши тешката година да ја остави зад себе и со оптимизам да ја
дочека Новата 2026 година – и тоа во Сиднеј, градот во кој пораснала. На своите
социјални мрежи таа сподели моменти од дочекот на Новата година со величествен
огномет над Сиднејската опера, кој го следела од јахта во друштво на своите
ќерки, Сандeј Роуз (17) и Фејт Маргарет (15). Со објавените фотографии кратко
порача: „Со нетрпение ја очекувам 2026!“
Никол
Кидман е исклучително поврзана со својата татковина, каде што живее нејзиното
семејство, и секој слободен момент настојува да го помине во Австралија. Порано
на тие патувања ѝ се придружуваше и Кит Урбан, роден Новозеланѓанец, но таа
приказна сега е завршена. Не е познато во какви односи останале поранешните
сопружници, за разводот јавно не зборуваат, а причините за нивната разделба не
се откриени. Сепак, интересно е што Никол Кидман до ден-денес не ги отстранила
заедничките фотографии со Урбан од своите социјални мрежи.
Се
чини дека таа одлучила да задржи цивилизиран и достоинствен пристап, пред сè
поради нивните ќерки. Впрочем, може да се каже дека веќе има „искуство“ со
разводи, бидејќи претходно доживеала брачен крах со колегата Том Круз, кој за
неа бил исклучително болен. Тој развод го опишуваше како „голем шок“ и „мала
смрт“. Разводот остави последици и врз нејзиниот однос со нивните две посвоени
деца, ќерката Изабела (33) и синот Конор (30), кои, се чини, останале во
значително подобри односи со таткото отколку со неа.
Токму
затоа Никол Кидман очигледно одлучила да не ги повтори истите грешки и од
вториот развод да не создава драма, туку со повеќе самодоверба да тргне во ново
животно поглавје. Во центарот на нејзиниот свет сега се нејзините ќерки
тинејџерки, на кои во нивните чувствителни години сака да им биде силна и
стабилна поддршка.
Покрај
тоа, таа има и премногу работа: го снимила филмот „Practical Magic 2“,
продолжение на култниот филм од 1998 година со нашиот Горан Вишниќ и Сандра
Булок во главните улоги, ја снима третата сезона од серијата „Big Little Lies“,
каде што е и копродуцентка, а има и неколку проекти што ги реализира преку
својата продукциска куќа Blossom Films.
Извор: vecer.mk
